رۆژیار

فرهنگی سیاسی ورزشی و اجتماعی

جه‌لال تاڵه‌بانی سه‌رۆک کۆماری ئێراق له دیدار له گه ل ڕاوێژکاریی سه‌رۆک کۆمار و سه‌رۆکی ڕێکخراوی فه‌رهه‌نگ و پێوه‌ندیی ئیسلامی ئیران به‌ ده‌ربڕینی خۆشحاڵی به‌رامبه‌ر به‌ پێشوازی خه‌ڵکی کوردستانی ئێراق له‌ پیشانگه‌ی فه‌رهه‌نگیی ئێران له‌ سلێمانی وتی: ئێران دۆستی ڕۆژانی ڕه‌ش و دژواری ئێمه‌ بووه‌ و ئێرانییه‌کان دۆستی ڕاسته‌ قینه‌ی ئێمه‌ن.


ڕاوێژکاریی سه‌رۆک کۆمار و سه‌رۆکی ڕێکخراوی فه‌رهه‌نگ و پێوه‌ندیی ئیسلامی که‌ به‌مه‌به‌ستی کردنه‌وه‌ی پیشانگه‌ی فه‌رهه‌نگی ئێران سه‌ردانی سلێمانی کردووه‌، له‌گه‌ڵ سه‌رۆک کۆماری ئێراق دیدار و وتووێژی کرد.
به‌ پێی ڕاپۆرتی ئیداره‌ی پێوه‌ندیی گشتی و ڕاگه‌یاندنی ڕێکخراوی فه‌رهه‌نگ و پێوه‌ندیی ئیسلامی، دوکتۆر مه‌هدی موسته‌فه‌وی له‌ دیدار له‌گه‌ڵ تاڵه‌بانیدا، دۆستایه‌تی نێوان خه‌ڵکی ئێران و ئێراقی به‌ سه‌رچاوه‌گرتوو له‌ خاڵه‌ هاوبه‌شه‌ فه‌رهه‌نگییه‌کان زانی و جه‌ختی کرد: وره‌ی به‌رپرسانی دوو وڵات له‌سه‌ر په‌ره‌ی پێوه‌ندییه‌کانی نێوان دوو وڵات و لاگری له‌م خاڵه‌ هاوبه‌شانه‌ ڕۆ نراوه‌ و‌ پیشانگای فه‌رهه‌نگیی ئێران له‌ سلێمانیش هه‌ر به‌م مه‌به‌سته‌ به‌رپا کراوه‌‌.
سه‌رۆکی ڕێکخراوی فه‌رهه‌نگ و پێوه‌ندیی ئیسلامی به‌ ئاماژه‌ به‌ پێشنیاری سه‌رۆک کۆماری ئێراق سه‌باره‌ت به‌ به‌ڕێوه‌بردنی پیشانگای فه‌رهه‌نگی ئێران له‌ شاره‌کانی دیکه‌ی ئێراق و دامه‌زراندنی ناوه‌ندی ئێرانناسی له‌ زانکۆکانی ئه‌م وڵاته‌دا وتی: هیوادارین به‌م زووانه‌ بوار بۆ به‌رپاکرانی پیشانگای فه‌رهه‌نگی کۆماری ئیسلامی ئێران له‌ هه‌ندێ له‌ شاره‌کانی ئێراقدا به‌تایبه‌ت له‌ به‌سره‌ خۆش ببێت.
ڕاوێژکاری سه‌رۆک کۆمار هه‌روه‌ها له‌ دامه‌زراندنی ژووری ئێرانناسی له‌ زانکۆی سلێمانی و دانانی کورسی زمانی فارسی له‌م زانکۆیه‌دا پێشوازی کرد.
له‌ درێژه‌ی ئه‌م دیداره‌دا جه‌لال تاڵه‌بانی سه‌رۆک کۆماری ئێراق به‌ ده‌ربڕینی خۆشحاڵی به‌رامبه‌ر به‌ پێشوازی خه‌ڵکی کوردستانی ئێراق له‌ پیشانگه‌ی فه‌رهه‌نگیی ئێران له‌ سلێمانی وتی: ئێران دۆستی ڕۆژانی ڕه‌ش و دژواری ئێمه‌ بووه‌ و ئێرانییه‌کان دۆستی ڕاسته‌ قینه‌ی ئێمه‌ن.
پیشانگای فه‌رهه‌نگی کۆماری ئیسلامی ئێران به‌ ناوی "هزری مه‌ته‌هری" له‌ لایه‌ن ڕێکخراوی فه‌رهه‌نگ و پێوه‌ندیی ئیسلامی هاوکات له‌گه‌ڵ ساڵوه‌گه‌ڕی شه‌هیدبوونی مامۆستا موته‌هه‌ری له‌ دواز‌ده‌یه‌م‌ تا هه‌ژده‌یه‌می مانگی گوڵان له‌ سلێمانیی ئێراق به‌رپا کراوه‌.


روژیار - ٧:٤۱ ‎ق.ظ سه‌شنبه ۱٤ اردیبهشت ۱۳۸٩
نظرات ()    |  


Powered By Persianblog.ir - Designed By Payam salami pargoo